Home » » CFL Hmingthanga

CFL Hmingthanga

Mizo Hlakungpui Mual website buaipui in September ni 9, 2012 zan ah chuan ka thu kar mai a. A tuk lam hna thawh duh bawk nen, zan dar 10 vela mut mai tum kha ka net lam speed muan em avangin dar 10 chu ka pel chiang hle. Chutia thil dang ngaihtuah map lova ka awm lai chuan dar 10:30 velah chuan kan Branch YMA Information chu an rawn ti ri kauh kauh a, kan branch president chuan he chhiat tawh thu hi a rawn puang ta a.

Ka hriat tirh chuan zaithiam lar hi a ni tih reng reng ka hre miahlo a. Chutia khual khua atanga mitthi awm ta chu kuang siam te a ngai dawn sia tiin ka thil tih lai chu ka dah a, damdawiin lam pan chuan ka chhuak ve ta nghal a. Chutia ka kal kawng ah chuan a ni Zaithiam lar CFL Hmingthanga kha a ni tih ka hriat tak chu.

Zaithiam lar CFL-a ngei kha a ni tih ka hriat tak ah chuan amah hi Aizawl lam mi emaw ka lo ti leh char char pek a. Aizawl lam mi ni si helam ah, Mizoram khawchhak kil tawp thingtlang khua a a rawn thi ta mai chu mak ka ti hle a, ka sawichhuak lem lo hlauh kha ka vanneih pui ta. Sawi chhuak ila chuan ka kalpui te khan bengvarlo min va ti dawn em!! Damdawiin kan thlen thlak hnu ah a hming an tar chu ka en a, chuta tang chiah chuan Samthang khua a ni tih ka hriat tak chu. Bengvarlo theih heih heih khawp mai.  

CF Laihmingthanga hi Ni 7.9.12 khan Khawbung PHC ah admit a ni a. TB leh zunkawng natna hmuhchhuah a ni. Theihtawp chhuah a enkawl a nih hnu in Ni 9/9/'12 dar 10:25 pm khan Khawbung PHC-ah a boralin a ruang hi a tuk zing dar 1:00 am khân an mahni khaw lam Samthang panpui a ni.

CFL-a hi kum 1970 November ni 5-ah Samthang khua ah a piang a. Khamliana(L) leh Tâwksungi(L) fapa a ni. Naupang fel leh lehkha thiam thei tak a ni a, rokhawlhna avangin lehkha hi Pawl 6 thleng chauh a zir a. A hla thenkhat-ah te phei chuan Saptawng te pawh a tel ve nawk nawk bawk a. A thlen phâk tâwkah chuan mi vengva ve tak a ni.

Zai mai bakah hlaphuah lam pawh a ti mi viau.. Hla hi 150 chuang zet a phuah. Naupang kum 15 vel anih atangin a zai tan tawh a. Zoram pum huap a a lar na chu 1993 June thla a 'Ngaihlai Masang' tih cassete a release atang khan a ni. A zai(aw) hi All India Radio-ah te khungin Music Video leh Audio Album 13 zet a siam bawk a. Music lamah hian a tuiin Tuipuiral huap zai intihsiakah te lawmman a la fo tawh bâkah Tuipuiral Beat Contest an neih ṭhin lai pawhin Lead Guitarist a lo ni bawk ṭhin.

A thih thu hriat a nih vêlah hian amah lainattu ṭhenrual ṭha leh khawtlâng, YMA nula tlangvâl te chu Khawbung Damdawiin lam panin an tlân a, ka zuk thlen thlak ve meuh chuan damdawiin tual vel ah chuan mipui an lo zi nauk tawh hlawm a. Tichuan he khawvel a CFL Hmingthanga ka hmuh hmasak ber leh hnuhnun ber na ni turin damdawiin khum a a lei taksa mu bam chu ka va thlir ve zawk a. Han tih theih vak dang ka nei tawhlo bawk nen, kan section ah a kuang hi siam tur an lo ti bawk nen kuang siamna lam panin ka kalsan ta a. Kuang siamna lamah pawh a zai nei tawh phawt chuan an play a ni ber e, a ri sup sup mai.

Khawbung Branch YMA te'n kuang siamin Samthang lam panpui turin an in buatsaih ta a ni. Zinglam 1:00pm velah an khua Samthang hi ama hla play chungin panpuiin 'Tuipuirâl Lelte' tia koh ṭhin chu ropui takin an khua Samthang chuan an lo hmuak a ni.

CFL tih hi a pa Chhangte, a nu Fanai hnam hming hi a kaikawp niawm tak a ni. L hi chu a hming taka 'Lian' hmingthanga tih aṭanga a lâk a ni thung. 

A hla sak te hi ama phuah deuh vek a ni a, Cassette Vol-I atanga X thleng a siam tawhah hian ama phuah deuh vek a sak avangin hla 100 chuang zet chu a phuah tawhin a lang. A cassette siam tawhte chu :
1.Ngaihlai Masang
2. Roosena Hmeltha
3. Chhânlet loh Hmangaihna
4. Kũr diam diam
5. Min hriatchhuahtir
6.Lâm dun ang aw
7. Tunge hmeltha ber
8. Hlim la, nui rawh
9. Hla inchhang special 10.Lemchanna Khawvel
Heng a cassette siamte hi kum 1993-2000 inkara a tihchhuah vek an ni.
[ Ref. : Mizo Zaithiam Larte Chanchin by Lalthlamuana ]
C.F.L-a hla thenkhat han tarlang ila:-
1. Bawihte nangnen
2. Chhan let loh hmangaihna
3. Chhuahtlang hmun hlui
4. Duhaisam a kim
5. Dawn tisei
6. Hmangaihna rose par
7. Hmangaihin hmangaihna
8. Hmangaihnaa phuar
9. Hmangaih CFL
10. I mawi chuang e
11. Intawng leh ngei ang aw
12. I tan ka lo kir leh
13. I tlai lua
14. Ka star no.1
15. Ka D tawn hun tur
16. Ka lung a leng mange
17. Kan duhaisam
18. Ka nau vala
19. Ka thian ngaihawm
20. Ka thianghlim tawh lo
21. Khuavang kallai
22. Khuavang chhinchhiah
23. Kan hlim laini
24. Ka hmangaih ber i ni
25. Lanu lungmawl
26. L.D.Hmeltha
27. Min kal san suh
28. Min thlahliam ang che
29. Mitthla alang hlimthla
30. Muttui mangtha
31. Min hriat chhuahtir
32. Nang chauh ka hmangaih che
33. Ngaihlai Masang
34. Phu loh 'D' chhai zawnga ho mai mai
35. Phu loh dawn thar
36. Rauthla 'D'
37. Thang nuihiauvi
38. Tawn ni i awm si lo.
39. Then che ka hlau ber mai
40. Then lohna ram
41. Tah loh mittui tlak
42. Valtin lawri
43. Zo nun mawi
44. Zawlaidi
45. Zokhaw tleitir
46. Kur diam diam
47.Roosna Hmeltha
Etc. etc.etc.

(Note:- A thlalak hi ka phone in ka la ve na a, a thim lutuk a. Pu Mapuia Hnamte lak hi ka rawn dah mai e.)

10 comments:

  1. A Pawi Hle Mai...Mizo-te Tan Channa Ropui Tak a ni. A "Aw" hi a special tlat asin! Lalpan a kalsan tak chhung-khat laina zawng zawng awmpui rawhse!

    ReplyDelete
  2. Ka ui ve reuh hle mai.. May his soul RIP

    ReplyDelete
  3. Mahni hla vek hmanga album sawm siam thei ..hla hit nei treuh bawk si chu Mizo zingah an tam hian ka ringlo... a hlathu thenkhat hi chu a fuh a ni.... tawngupa leh khirh pui pui hmanglo in kan hriatthiam nghal theih tur nisi leh inla lawn nalh deuh mai a siam thiam hi a fak awm ani...

    ReplyDelete
  4. A zaithiam tehlul nen ka van ui tak em!! Thlamuang takin chawl ang che.

    ReplyDelete
  5. Ka ui lutuk, kan tlangval lai (ti ve tawh mai teh ang) hostel chungah a hla lungleng em em a kan saklai hun te kha ka hrechhuak a, ka ui hle mai. Kan lunglen kha a hnem in, amah vang khan vawi tam tak kan lo kur diam duam tawh thin a sin. Thlamuang takin chawl mawlh ang che PU CLF

    Post chhiar nuam tak leh bengvarthlak tak a ni e... Update hma bawk a, chhiar a man hla leh zual..

    ReplyDelete
  6. CFL-a hlate hi chhawrthla eng hnuaiah thian zahovin kan lo kiu pui ve ruah ruah thin a. A hunlai kha chuan thingtlang kil khawr ber thlengin CFL-a hla te hian a fan chhuak a ni ber mai. Hla pawh a lo phuah hnemin recording pawh a lo ti hnem hle mai. Mahni hla phuah ngei sa thin hi an fakawm ka tia, ngaihsan pawh a phu ka ti. Heti taka hla lama thawh hlawktu CFL-a hian Hlakungpui Mual lamah hming a chher ve ngei ka beisei e.

    ReplyDelete
  7. Ka mihring ui tak ani hepa hi....

    ReplyDelete
  8. Facebook leh hmundangah pawh ka comment nual tawh na a, ka'n ti leh hram teh ang. CFL-a thi hi chu ka ui thlawt a ni. A 'Aw' ber hi a special ka ti a. A 'aw' ang nei hi Zofa Zaithiam-te zingah an tlem hle-in ka hria. Tin, a Hmaifang hi a tha ka ti a, Zofa zingah chuan a hmaifang hi a zahpuiawm lo hle a ni. Ka pianthar hnu 1989 atang kha chuan Lengzem (Love song) hi ka ngaithla tawh miah lova, CFL-a a thih tih ka hriat khan a chanchin hriat chian lehzual tuma ka zawnna lamah a Hlate ka ngaithla thar leh a, Zofate tana channa ropui tak a nih-zia hi ka hrechiang tulh tulh-in ka hria. Tin, CFL-a hian Damdawi In lian leh tha pawh thleng zo lova, PHC-a a thi ta mai leh, TB natna-a a thi hian ka rilru a tina zual a. Zoram-a chengte dinhmun leh kan inkar inthlauh zia a rawn tilang chiang hle bawkin ka hria a, ka rilru a tina tak zet zet. Zoram-a cheng Zofate hian Mizo Zaithiam Duhawm tak thihna atang hian Khawtlang nun-ah leh Relationship-ah In-Zirchhuak a, Inngaihtuah Harhna Hun atana kan hman ngei ka beisei.

    ReplyDelete
  9. Hmangaih in hmangaihna tih hi kava duh ve ka zawng hmuzolo a engtin nge niang

    ReplyDelete

Online

Site Statistics

LATEST COMMENTS